IT'S ERASE SUNNAH !!!
Sunnat ka matlab arabic dictionary ke hisab se ‘Tareeka’ hota hai.
Gaur aur fikr karne ki baat ye bhi hai ki sunnat ke matlab ke hisab se sirf ye nai hota ki Rasool s.a.w. ne kya kiya balki ye bhi hota hai ki rasool s.a.w. ne kya nahi kiya. Is liye jo RasoolAllah ne nahi kiya usko na karna bhi sunnat hai aur jis amal ko RasoolAllah aur sahaba ne nahi kiya usko Biddat kahte hai. Aiye ham Quran, sunnat, sahaba, tabaeen aur Ulma e deen se samajhte hai ki Islam me biddat ka kya mukam hai.
QURAN
..aaj mein ney tumharay liye Deen ko kaamil(complete) kar diya aur tum par apna ehsaan bharpoor ker diya aur tumharay liye Islam kay deen honey per raza mand hogaya…
Surah MAida ayat-3.
Woh hain kay jinki dunyawi zindagi ki tamam tar kosishen bekar hogaeen aur woh issi gumaan mein rahey kay woh boht achay kaam kerrahey hain.
SURAH KAHF, AYAT-104 .
Aur jo shaks Allah aur us ke Rasool (s.a.w.) ki na-farmani karay aur uss ki muqarrara haddon say aagay niklay ussay woh jahannum mein daal dey ga jiss mein woh hamesha rahey ga aison hi kay liye ruswa kun azab hai.
SURAH NISA, AYAT- 14.
..Apney deen kay baray mein hadd say na guzar jao..
Surah nisa ayat 171.
HADITH
Ayesha r.a. riwayat karti hai ki Mohammad s.a.w. ne farmaya ki Jisne hamare is deen me kuch aisi baat shamil ki jo usme se nai hai to wo mardud hai.
Sahih al bukhari, had-2697
Sahih Muslim, had-1718.
Mohammad s.a.w. ne farmaya ki Meri sunnat aur khulfa rashidin ki sunnat ko daanto ki mazbuti se pakde rahna aur har nayi chiz jo deen me nikali jaye usse bachna kyuki har nai chiz ek gumrahi hai.
[Musnad Ahmad (4/126) and at-Tirmidhee (2676).
Rasoollallah Sallallhu Alaihi Wasallam ne farmaya
” Sabse behtareen Kalam Allah ki kitab hai aur sabse behtareen tareeqa Muhammad Sallallahu Alaihi Wasallam ke tareeqa hai sabse badtareen kaam Deen mein nayee nayee baton ka paida karna hai …”
Sahih Bukhari: Volume 9, Book 92, Number 382.
RasoolAllah s.a.w. ne farmaya Jab bhi log kisi biddat ka ijaad karte hai To usme se utni sunnat uth jati hai. Biddat ijaad karne se behtar Sunnat ko apnana hai.
Al-Tirmidhi, (Hadith 65).
Rasoollallah Sallallhu Alaihi Wasallam ne farmaya
” Sabse behtar amr (amal ke liye) Allah ki kitab hai aur sabse behtar tareeqa Muhammad Sallallahu Alaihi Wasallam ke tareeqa hai sabse badtareen kaam Deen mein nayee nayee baton ka paida karna hai aur har Nayee baat gumrahi hai…”
Sunan Ibn Majah, Vol 1 , # 45 (Sahih)
Rasool s.a.w. ne farmaya ki Jab bhi Kabhi ek Rasool bheja jata tha to uske kuch hawari aur sahaba hote the, wo sahabi , apne nabi ki sunnato(tariko) ko mazbuti se pakad lete the aur usi pe jame rahte the.Fir hamesha aisa hua hai ki unke baad kuch aise log paida hue hai JO KAHTE WO THE JO KARTE NA THE, AUR KARTE WO THE JISKA HUKM BHI NAI HUA THA. To sunlo jo unse JIHAD KAREGA APNE HATHO SE, APNE ZUBAN SE, APNE DIL SE WO MOMIN HOGA, aur un ka EEMAN TO RAAI KE DANE KE BARABAR BHI NAI HAI.
Sahih Muslim,The Book of Faith (Kitab Al-Iman) [001:0081].
Al-Irbad bin Sariyah Radi Allahu Anhu se rivayat hai ki Rasoollallah Sallallhu Alaihi Wasallam ne wa’az (speech) farmaya jis se aankhon se Aansoo bah nikley aur dil kaanputhey, humney arz kiya Ya Rasoollallah Sallallhu Alaihi Wasallam ye to rukhsat karney waley ki naseehat hai Aap humse kisi cheez ka ahad le le, Aapney farmaya main tumko aisee hamwar zameen par chorh ja raha hu jiskey din aur raat barabar hain is sey wo hatega jo Halaq honey wala hoga jo tum mein se zinda rahega wo shadeed ikhtilaf dekhega tum par mera tareeqa aur mere hidayat yafta khulfa ka tareeqa lazimhai isko daanton se mazbut pakad lena aur tum par Ita’atameer lazim hai chahey wo habshi ghulam ho kyunki momeen nakel daaley huye oont ki tarah hota hai jaisey chalaya jata hai ita’at karta hai-
Sunan Ibn Majah, Vol 1 , # 43 (Sahih)
Anas bin malik (r.a) farmate hai ke, Rasool Allah (s.a.w) ki ibadat ke bare mey puchne ke liye 3 shakhs Aisha r.a.(azwaje-mohtaraat) ke pass aaye, jab un logon ko rasool Allah (s.a.w) ki ibadat ka tariqa bataya gaya to, unhone aap ki ibadat ko thodi samjhi aur kaha, humara Rasool Allah (s.a.w) se kya muqabala ??, Allah ne aapke agle piche gunah maaf kardiye hai, un mey se 1ne kaha, main humesha raat bhar namaz padhta rahunga, 2re ne kaha main humesha roza rakha karunga, 3re ne kaha ki mai auraton se door rahunga, main nikah nahi karunga, unmey ye guftagu ho rahi thi, ke RasoolAllah (s.a.w) aaye aur farmaya, kya tum logon ne ye baate kahi hai??, gaor se suno, Allah ki kasam, main tumme sab se zada Allah se darne wala hon, or tumme sab se zada taqwa-ikhtiyaar karne wala hon, lekin main roza rakta hon or nahi bhi rakta, raat ko namaz padhta hon aur sota bhi hon, or auraton se nikah bhi karta hon,Toh sunlo yahi mera tariqa hai aur jisne mere tariqe(sunnat) se hatkar kiya wo mujhse me se nahi hai.(Bukhari, Wedlock, Marriage (Nikaah) [62:1] .
Mohammad s.a.w. ne farmaya ki “Jis shaks ne bhi kisi biddati ki izzat ki toh fir wo aisa hai ki usne islam ko girane me madat ki”.
Brought by Imam Baihaqi in his hadith book Baihaqi, see in chapter Shobul Imaan.
Ali ibn AbuTalib riwayat karte hai ki RasoolAllah s.a.w. ne farmaya
“Agar koi shaks biddat ijaad karta hai(deen me), toh wo zimmedar hoga is ke liye. Agar koi shaks biddat ijaad kaarta hai ya kisi biddati ko panah deta hai, to uspar Allah, uske farishto aur sare logo ki lanat hoti hai.
Sunan of Abu-Dawood Hadith 4515.
SAHABA
Ibne Abbas r.a nay farmaya logow k is talbiyah aur tasbeeh chod denay par tajjub hai .meray nazdeek takbeer achi chees hai. LEKIN SHAITAN INSAAN K PASS GUNAH K DARWAZAY SAY AATA HAI, JAB WO ISSAY BACH JAYEH TO USKAY PASS NAIKI KI DARWAZAY SAY AATA HAI TAAKAY WO SUNNAT KO CHOD KAR BIDDAT KO APPNA LEY.
MUSNAD ISHAAQ BIN RAWAIYAH, HADITH 482 .
Ibn Abbaas R.A. (d. 68H) kahte hai : “Beshak, sabse zyada na-pasandeeda chiz Allah ki nazar me BIDDAT hai.”
Reported by al-Bayhaqee in as-Sunan al-Kubraa (4/316)
Ibn Abbas r.a. farmate hai: Jab biddat ki ijaad hoti hai to sunnat mar jati hai aur tab tak faut rahti hai jab tak biddat zinda rahti hai.
(Tirmidhi 187)
Abdullah ibn Masood r.a. farmate hai ki har biddat jis se Islam ke sath sazish ki jati hai Allah ka ek mehboob banda hota hai jo us(biddat ko) radd karta hai aur hatata hai aur uski nishanio pe baat karta hai isiliye us mauke ka pura fayda utha kar aise jagah pe jaya karo aur Allah par bharosa rakhha karo.
IBNE WADDAH AL BIDAYAH (HADITH 4) .
SOURCE :- http://www.islamweb.net/hadith/display_hbook.php?bk_no=284&pid=54462&hid=4
‘Abdullaah ibn Mas’ood R.A., ne Farmaya, ” Pairwi karo aur nayi chize ijaad mat karo, kyuki jo tumhe diya gaya hai wo Kafi hai aur har biddat ek gumrahi hai.
Reported by Abu Khaithamah in Kitaab Ul-‘Ilm (no. 540) and declared saheeh by Shaikh al-Albaanee.
ﺣﺪﺛﻨﻲ ﻣﺤﻤﺪ ﺑﻦ ﻭﺿﺎﺡ ﻗﺎﻝ : ﺣﺪﺛﻨﻲ ﻣﺤﻤﺪ ﺑﻦ ﺳﻌﻴﺪ ﻗﺎﻝ : ﻧﺎ ﺃﺳﺪ ﺑﻦ ﻣﻮﺳﻰ ﻗﺎﻝ : ﻧﺎ ﻋﺒﺪ ﺍﻟﻤﺆﻣﻦ ﺑﻦ ﻋﺒﺪ ﺍﻟﻠﻪ ﻗﺎﻝ : ﺣﺪﺛﻨﻲ ﻣﻬﺪﻱ ، ﻋﻦ ﻋﻜﺮﻣﺔ ، ﻋﻦ ﺍﺑﻦ ﻋﺒﺎﺱ ﻗﺎﻝ ﻣﺎ ﻳﺄﺗﻲ ﻋﻠﻰ ﺍﻟﻨﺎﺱ ﻣﻦ ﻋﺎﻡ ﺇﻻ ﺃﺣﺪﺛﻮﺍ ﻓﻴﻪ ﺑﺪﻋﺔ ﻭﺃﻣﺎﺗﻮﺍ ﻓﻴﻪ ﺳﻨﺔ ، ﺣﺘﻰ ﺗﺤﻴﺎ ﺍﻟﺒﺪﻉ ﻭﺗﻤﻮﺕ ﺍﻟﺴﻨﻦ
Ibne Abbas r.a farmatay hai har saal biddati log koi na koi biddat jaari kardetay hai.aur koi naa koi sunnat mitha detay hai.natijaa yeh hoga biddatay zinda aur sunnatay murdaa hojayegi.
IBNE WADDAH AL BIDAYAH AN NAHAYA, HADITH 93.
TABAEEN
Sa’iid Ibn al Musayyib r.a. (Tabaeen) ne ek shaks ko suraj tulu hone ke baad do rakat se zyada padhte hue dekha sajda aur ruko me izafa karte hue, toh unhone use mana kiya ye karne se. Us shaks ne jawab diya: ‘Ae Aba Muhammad, kya Allah mujhe namaz padhne ke liye saza dega? Unhone kaha: ‘NAHI, LEKIN WO TUMHE SUNNAT SE IKHTILAF KARNE KE LIYE SAZA DEGA’.(SUNAN AL-KUBRA 2/466).
ULEMA E DEEN
Imaam Abu Haneefah (rahimahullaah) d. 769 C. E. (150 A. H.) kahte hai: “Salaf ke Athaar(riwayato) aur Tareeqah pe amal karo aur Hoshiyaar rahna nayi chize ijaad karne se, wo sari biddate hai.”
[Reported by As-Suyootee in Sawn al-Mantaq Wal -Kalaam, p. 32.].
IMAAM MAALIK (raheemullah) KAHTE HAI :-
ﺍﻹﻣﺎﻡ ﻣﺎﻟﻚ ﺭﺣﻤﻪ ﺍﻟﻠﻪ ﺃﻧﻪ ﻗﺎﻝ : ﻣﻦ ﺍﺑﺘﺪﻉ ﺑﺪﻋﺔ ﻓﺰﻋﻢ ﺃﻧﻬﺎ ﺣﺴﻨﺔ ﻓﻘﺪ ﺯﻋﻢ ﺃﻥ ﻣﺤﻤﺪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﺧﺎﻥ ﺍﻟﺮﺳﺎﻟﺔ، ﻷﻥ ﺍﻟﻠﻪ ﺗﻌﺎﻟﻰ ﻳﻘﻮﻝ : ﺍﻟْﻴَﻮْﻡَ ﺃَﻛْﻤَﻠْﺖُ ﻟَﻜُﻢْ ﺩِﻳﻨَﻜُﻢْ ﻭَﺃَﺗْﻤَﻤْﺖُ ﻋَﻠَﻴْﻜُﻢْ ﻧِﻌْﻤَﺘِﻲ ﻭَﺭَﺿِﻴﺖُ ﻟَﻜُﻢُ ﺍﻟْﺄِﺳْﻼﻡَ ﺩِﻳﻨﺎً ] ﺍﻟﻤﺎﺋﺪﺓ : 3 ]
Jo yeh sochta hai ki biddate hasana jaisi koi chiz hai Islam me, toh usne Rasool Allah s.a.w. ke Risalat par Khayanat ka Ilzaam lagaya Kyuki Allah Quran me kahte hai “Is din hamne tumhare mazhab ko pura kar diya hai…..” Toh jo mazhab nahi tha us zamane me aj wo mazhab nahi ban sakta.
(AL-‘ITISAAM AS-SHAATIBI 1/38)
Ibn Hajar Al-Asqalani (raheemullah) (d. 852H.) ne kaha: “Khush woh hai jo Salaf ke tarike se juda(stick) rahta hai, aur bachta hai us chiz se jise Khalaf(jo salaf ke baad aye) ne ijaad kiya hai.” Fath Al-Bari by Ibn Hajar (13/267).
SHEIKH ABDUL QADIR JILANI (raheemullah) ne farmaya
“Tumhare upar Ittibaa lazim hai aur nayi chiz ijaad karna nahi aur tumpar salaf as saaleh ke mazhab (tarike) par amal karna lazim hai aur wahi sidha rasta hai jo tumhe apnana chaiye.
(al-Fath ur-Rabbaanee (p.35)
BIDDATE HASANA KE ILM KE LIYE YE LINK CHQ KARE-
