.png)
Boht si hadiths hai jo namaz ke waqt pant ko fold karne se mana karti hai.
Ibn Abbas r.a. riwayat karte hai ki RasoolALlah s.a.w. ne ne farmaya: ‘Mujhe hukam diya gaya hai ke main 7 haddiyo’n par sajda karu’n peshani aur Aap ne hath se naak ki taraf ishara kiya dono’n hatho’n, dono’n ghutno’n aur dono’n qadmo’n ke panjo’n par aur (ye ke ham namaz mein) apne kapdo’n aur balo’n ko ek‐khatta na karei’n.’
(Bukhari: al Azan 812 – Muslim: al Salah 490).
Kapdo ko ikhatta karne ka matlab ya hai ki kapde ko modna us ko zameen par girne se rokne ke liye jab koi sajda karta hai.
Imam An-Nawawi farmate hai:
Ulemao ka ispar ittifak hai ki apne kapde, Aasteen wagaira modna ki ijazat nahi hai. Ulmao ke ijma se is chiz ki ijazat nahi hai; ye makrooh hai aur sath-sath ye na-pasandida hai. Toh agar koi shaks is halat me namaz padhta hai to usne jaise kuch galat kiya hai lekin fir bhi uski namaz ho jayegi. Ibn al-Mundhir riwayat karte hai ki jo aesa karta hai to use apni namaz dohrani chaiye aur unhone ye raae al-Hasan al-Basri se riwayat ki hai. End quote
Tuhfat al-Minhaaj, 2/161-162 me yeh kaha gaya hai:
Jo namaz padhta hai use apne balo ko akathha karke balo ko modna ya sar ke poshak ke niche rakhna jaise ki aasteen ko modna wagaira ye Makrooh hai . End quote
Iski bunyad par namaz ke waqt pant ko ikathha karna ya modna galat hai .
Dusri taur par:
Ahadiths hai jo mana karti hai apne libas ko takhne se niche latkane ki.
Abu Huraira r.a. riwayat karte hai ki RasoolAllah s.a.w. ne farmaya: “Jo bhi izaar takhne se niche hai wo aag me hai.”
Al-Bukhaari (5787)
Abu Juray Jaabir ibn Sulaym r.a. riwayat karte hai ki RasoolALlah ne farmaya: “Takhne se niche libas latkane se khabardar hona, kyuki ye Ghamand hai aur Allah ghamand ko pasand nahi karta.”
Abu Dawood (4084), Classed as saheeh by al-Albaani in Saheeh Abi Dawood.
To ab yaha do chiz jo mana ki gai hai us me Takraao hai. Isme koi shak nahi ki jo hadith libas ko takhne se niche rakhne ko kahti hai wo zyada sakht hai. Aur jo libas ko modne wali hadith hai, wo makruh hai(napasandida). Agar do chize takra rahi hai jo use zyada ahmiyat deni chaiye jo zyada zaruri hai jo ki apne libas ko Takhne se niche rakhe se parhez karna hai . Ab is halat me use apne libas ko mod lena chaiye jo Takhne se niche hoti hai Kyuki apne libas ko modna sirf makruh hai jab ki Takhne se niche libas ka hona haraam hai.
-Aur Allah sabse behtar janta hai.
.jpg)
