بِسْمِ اللَّهِ الرَّحْمَٰنِ الرَّحِيمِ
❀ ❀ Auliya Allah ❀ ❀
By: Abu Zaid Zameer Hafidahullah.
Roman Urdu Script By: Syed Ibraheem Salafi.
Source:
http://romanquranohadees.com/index.php?threads/auliya-allah-ki-kuch-sifaat.399/
"Allah Ta'ala ne apni ebadad ke liye insaan ko paida kiya, ab jo banda jis darje mein Allah ki ebadad karega wo Allah Ta'ala ke utna qareeb hoga, khurb ki manazil tai karte karte banda Allah Ta'ala ka kususi khurb hasil karta hai aur Allah ki Riza uski shamil-e-haal hoti hai tou Allah ki taraf se ek khaas taluq usko naseeb hota aur Allah ki taraf se ek khaas Taeed aur Nusrat usko milti hai aur ye hi wo maqaam hai jisko "wilayath" kahan jata hai aur aise shaks ko Wali kahan jata hai aur Wali ki jama Auliya hai."
Ulama ne ye bhi kahan hai "Mutawali" jo lafz hai "Tawali" iska matlab hota hai musalsal (pai dar pai jisko kehte hai) is aitebaar se baaz Ulama ne kahan hai ke Wali ko Wali kahan jata hai awal is waje se ke wo Musalsal Allah ki Ebadad karta rehta hai lagatar wo Allah ki Ebadad aur Farmabardari karta hai kabhi kiya kabhi nahi kiya aisa nahi karta hai balke musalsal Allah ki Ebadad ka Haq aada karta hai tab jakar Allah ke Khareeb hojata hai,
Jaise Qur'an mein Allah Ta'ala ne farmaya:
"Sajda kar aur qareeb hoja"
[Surah Alaq Aayat19]
maloom huwa Aamaal ke zariya Allah ka Khurb milta hai, Wali wo hota hai jo Musalsal Musalsal Allah ke Khareeb karne wale Aamaal karta hai isme jo hai Tawali paida hogi phir Allah usko Khaas wali bana leyta hai phir wo Allah ka Dost banjata hai Allah uska Dost banjata hai Allah uska Nigra banjata hai Nighedash Muhafiz Naser Naseer banjata hai uske sare maamlaat ki Nigrani Allah karta hai.
Wilayat ke do darje:
Wilayat ke do darjaat hai ek Wilayat-e-Aamma aur ek hai Wilayat-e-Khassa, ek Aam wilayat hai dusri hai Khaas wilayat, ye humne dekha Lugat ke aitebaar se, ab hum dekhegen Qur'an aur Sunnat ke aitebaar se wali kis ko kehte hai:
Kitab-o-Sunnat ke aitebaar se wali kise kehte hai:
Allah Ta'ala farmata hai:
"Khabardar Allah ke Auliya ko koi Khauf nahi aur na wo Ghumgeen hogen."
"Ye wo loug hai jo Emaan laye aur Taqwa aqtiyaar kare."
"Inke liye Al Bushra (Khush khabri) hai duniya mein bhi aur Aaqirat mein bhi Allah apne wade ke khilaaf nahi karta aur ye sab se badi kamiyabi hai."
[Surah Younus Aayat 62-64]
Note: (Auliya ko Aaqirat ke aitebaar se Khauf aur Ghum nahi hoga) Maut ke waqat Auliya ko Khushkhabri di jati hai, Allah Ta'ala farmata hai:
"Jo lougo ne kahan ke hummara Rab Allah hai aur Jame rahe, Fariste un par Nazil hote hai (maut ke waqat) aur kehte hai na tum Daro na Ghum karo aur us Jannat ki Khushkhabri suno jiska tumse wada kiya gaya tha."
"hum tumhare Auliya hai duniya mein aur aaqirat mein... ... ..."
[Surah Haa Meem Sajda (Fussilat) Aayat 30, 31]
Auliya ki Sifaat Emaan aur Taqwa hai (hum (Ahle hadees) wali usko mante hai jis mein Emaan aur Taqwa ho)
Al Kurtubi kehte hai ke Taqwa wale matlab hai ke Shirk aur Gunhaou se bachte ho Tafseer-e-Kurtubi (ye 20 jildo tafseer hai Qur'an-e-Kareem ki, mashoor tafseer hai) mein unhune bayaan kiya.
[Tafseer Qurtubi, Surah Younus, Aayat:63]
Hafiz Ibne Kaseer kehte hai ke har wo aadmi jo Muttaqi ho Allah ka wali hai Ibne Kaseer apni tafseer mein isko zikr karte hai.
Imam At'tahawi (jinhune Al Aaqidatut'tahawiya likkha hai, ye ek muktasr kitaab hai, jisme inhune Imam Abu Hanifa Imam Abu Yousuf aur Imam Muhammad Rahimahullah ka Aaqida isme bayaan kiya hai)
At'tahawi kehte hai:
"Ye Aaqida hai Imam Abu Hanifa ka Imam Abu Yousuf ka aur Imam Muhammad ka Emaan wale sab ke sab Rahman ke Auliya hai aur inme sab se ziyada izzat ke layaq wo hai jo Allah ke sab se ziyada farmabardar ho aur Qur'an ke sab se ziyada paband ho."
(Surah Younus ... mein kahan gaya) Allah ke Auliya ke liye duniya aur aaqirat mein Al Bushra (Khushkhabri) hai, Al'Bushra (Khushkhabri) kya hai is ko sab se achchiyi tarha samjhaya Allah ke Nabi Sallallahu Aalahi Wasallam ne:
Ubada Ibn Samit "Radhi Allahu Anhu" kehte hai: Maine Allah ke Nabi se poucha ke Allah Ta'ala ne jo Qur'an mein kahan hai ke Auliya ke liye khushkhabri hai duniya mein tou kya matlab hai? kehte hai:
Aap Sallallahu Aalahi Wasallam ne farmaya: "Ye Achchey khaab hai ya tou wo kudh dekhe ya tou dusre uske liye dekhe."
[Is hadees ke raawi ata bin yasar hain aur sahabi Abu darda Radhi Allahu anhu, check this: (Tirmidhi, book 47, Hadees: 3389. Hasan)] [Imam At'Tirmizi Imam Ahmed aur Imam Ibne'Maja ne zikar kiya aur ye Saheeh Riwayat hai]
Kuch lougo ne Khaab ko Qur'an-o-Sunnat ka badal banaliya (Khaab mein aisa dekha waise dekha Sufiyo mein ye aam hai) ye ghalat hai (Is liye Ulama ne kahan ke Qur'an-o-Sunnat se takrane wale Khaab hargis nahi mane jayega, Khaab se Shariyat nahi lijayegi)
Allah ke Nabi Sallallahu Aalahi Wasallam ne farmaya:
Jab Zamana (Qayamat ke) khareeb aayega tou Musalmana ke Khaab bohat kam hi Jhoote niklegen usme sab se ziyada sachche (khaab) wo hogen jo (loug) baat mein sab se ziyada sachche hogen aur Musalman ke khaab Nabuwat ke 36 (Cheyalis) hisso mein se ek hissa hai Khaab 3 tarha ke hote hai 1. Achchey Khaab Allah ki taraf se khushkhabri hote hai 2. Shaitaan ki taraf se hote hai jo Ghum mein daalte hai usko 3. Insaan jo sochta hai wahi khaab mein aate hai."
[Imam Ahmed ne apni Musnad mein isko zikr kiya hai aur ye Hadees Saheeh hai, dusri kitabo mein bhi ye Hadees hai]
Allah ke Auliya kun hai ?
Auliya'Allah ki Sifaat ke bareme Allah ke Nabi Sallallahu Aalahi Wasallam farmate hai:
"Allah ke kuch khaas bande lougo mein hote hai, Qur'an wale wo hai jo Allah ke khaas bande hai."
Jinko Ahelulla kahan jata hai ye kun hai Qur'an wale.
Qur'an ko chohod kar koi Allah ka wali ban sakta hai?
Allah ki wilayat pane ke liye sab se pehle Qur'an wale banna (khali Qur'an wale nahi is liye aagen aur bhi aayega) ke Qur'an ko Aasal banana ye wo mazboot rasi hai jisko chohodna admi ke liye halakat hai kuy ki Allah ke Nabi Sallallahu Aalahi Wasallam ne kya farmaya ? "Do chize chohod kar jaraha hu dono ko mazbooti se thame rahogen gumrah nahi hogen Allah ki Kitaab aur Meri Sunnat." [ ye hadees jo maine bayaan ki hai isko Imam Ahmed Imam Nasayi Ibne Maja aur Hakim ne Riwayat kiya hai]
Imam Al'Khaleel ibne Ahmed kehte hai ke
"Qur'an aur Hadees wale aagar Allah ke Auliya nahi hai tou phir Zameen mein Allah ka koi Wali nahi hai."
[Shart Ashabul Hadees mein Khateeb Bagdadi ne isko zikr kiya hai]
Kya Allah ke Wali "Masoom Aanil Khata" hote hai ?
Baaz loug kehte hai ke Wali se koi Galti hoti hi nahi hai yane "Masoom Aanil Khata" hote hai,
Dekhiye Allah ke Nabi Sallallahu Aalahi Wasallam ke zamane mein ek Sahabiya (aurat) Nabi ke paas aayi aur kahan "mujko paak karo" (unse zina hogaya tha) Nabi ne unko bachcha paida hone ke baad aane ko kahan phir jab wo aaye (bachcha paida hone ke baad) Nabi ne kahan jab bachcha khane lagen tou tab aana, aur phir wo aaye bachche ke hath mein roti de kar, phir unko Sansaar (pathtar mar mar kar saza di gayi) kar diya gaya tha, ek Sahabi ke oupar unka khoon ouda unhune kuch bari baat kahi us aurat ke bareme tou Nabi Sallallahu Aalahi Wasallam ne farmaya ke aisa mat kaho kuy ki is aurat ne aisi Tawba ki hai ke aagar Madina ke 70 gharo par is ki Tawba daal di jaye tou sab ke sab ki Maghfirat hojayegi, is se behtar Tawba kya hogi ke usne apni jaan paish kiya Allah ki Khatir."
[Sahih Muslim, Kitabul Hudood, Hadees 1695]
aap batiye 9 mahine (bachcha paida hone tak) intezaar, phir uske baad 2 saal (dood chohod kar bachcha Roti khane tak) intezaar, 3 saal tak wo Aurat (Sahabiya) yaad rakti thi ke mujko paak hona hai, kaisi karwate badli hogi us Aurat ne, wo kudh aarahi hai bhijaya jaraha hai, tou kya Allah ki Muqarrab bandi nahi thi wo ? Sahabiya "Radi Allahu'anha" hai, aap zara gaour kare us (Nabi ke) zamane ke 70 ghar, Muttaqi loug, Allah se Darne wale loug, jinke gharo mein Qayaam aur Tahajjud hoti hai, in 70 gharo par Madina ke wo Tawba daal di jaye tou unki Maghfirat ho jayegi, (kaisi tawba thi hogi wo) (tou ye Aaqida saheeh nahi hai ke balke Wali se Ijtehaad mein bhi galti ho sakti hai balki Wali se Sagair balke Kabair gunha bhi hote hai)
magar Auliya Allah ke itne muqarrab hote hai ke jab unse koi Galti ho jati hai tou fauran Tawba kar letey hai, issi liye Allah ke Nabi Sallallahu Aalahi Wasallam ne farmaya:
"Ibne Aadam sab ke sab khatakaar hai aur inme sab se achchey khata karne wale wo hai jo Tawaba karne mein kasrat karte ho."
[Imam Ahmed, At'Tirmizi, Ibne Maja aur Hakim ne isko Riwayat kiya hai]
Allah ke Nabi Sallallahu Aalahi Wasallam ne Auliya ki aalamaat mein se ek aalamat ye batayi ke "Jab unko dekhe tou Allah yaad aata hai." [Hakim At'Tirmizi ne Nawadir Usool mein isko zikr kiya hai Imam As'Souti ne Aj'Jamia Sageer mein isko zikr kiya hai aur Shaikh Al Bani se isko Hasan kahan hai)
Sahaba ke bareme Allah Ta'ala ne farmaya:
"Muhammad Sallallahu Aalahi Wasallam Allah ke Rasool hai jo inke Sathi hai kufr par sakth aur aapas mein narm hai, inke chaher ke oupar nashan hai sajdo ke."
[ Surah Fatah, (48:29)]
Maratib kya hai Allah ke Auliya ke:
Chaar martabe bando mein sab se ounche hai Allah ke taqarrub ke,
Allah Ta'ala farmata hai:
"Jo koi Allah ki aur Uske Rasool ki farmabardari kare tou wo sath hoga un lougo ke jin par Allah ne Inaam kiya hai yane Ambiya Siddeeq Shuhada aur Saleheen."
[Surah An Nisa Aayat 69]
Nabi sab se oupar, uske nichey Siddeeq (jo apne qaoul-o-aamal mein sachcha ho) Shaheed (jo Allah ki khatir khatal huwa ho) aur Saleheen (Nek jo Allah ki Ebadad karte ho Gunhaou se bachte ho)
Chaar martabe hai Nabi, Siddeeq, Shaheed, aur Saleh.
Saleh aaqri nichla darja hai Nek hona chahiye wo gunhaou pe belagaam ghode ki tarha doud raha ho wo usko Saleh nahi kahan jayega, jo gunhaou se bachta ho Nek usko kahan jayega, Nek nahi hai jo usko kaise Wali bana rahe ho aap ? (jo Nek nahi wo Allah ka Wali nahi hai)
Ummat mein sab se afzal darja Nabi Sallallahu Aalahi Wasallam ke baad Sahaba hai, phir Tabayeen Taba'tabayeen,
Allah ke Nabi Sallallahu Aalahi Wasallam farmate hai:
"Sab se behtareen loug wo hai jo Mere Daur ke hai, phir wo jo unke baad, phir wo jo unke baad."
[Bukari wa Muslim] [Sabse behtareen zamana wali Hadees: Bukhari: 2651 Muslim: 2535]
Sari Ummat mein sab se afzal kun hai ? Sahaba hai.
In Sahaba mein sab se Afzal kun hai ? Hazrat Abu Bakkar Siddeeq Radhi Allahu Anhu, phir Hazrat Umar Radhi Allahu Anhu, phir Hazrat Usman Radhi Allahu Anhu, phir Hazrat Ali Radhi Allahu Anhu hai, Phir baqi maratib hai usme inhi mein se ''Ashra Mubashra'' hote hai, phir "Badri Sahaba" hai, phir "Bait-e-Rizwan" wale Sahaba hai, Fateh Makkah se pehle Emaan laney wale Fateh Makkah ke baad Emaan laney wale Muhajir ki taqseem usme Ansar ki taqseem usme.
Baaz loug aise paida huwe jo kehte hai ke Wilayat Nabuwat se Afzal hai ye Kufriya Aaqida hai ye Tasauff mein aap ko milega:
Is baat ko yaad rakkhe ke "Ijmah" hai puri Ummat ka Ulama ka Ahle Ilm ka Sahaba ka Tabayeen Taba'tabayeen Muhaddiseen Fuqaha sab ka ke Nabi jo hai sare Waliyo se Afzal hai.
Allah ke Nabi Sallallahu Aalahi Wasallam farmate hai ke "Ek palde mein Mujko rakkha gaya baqi dusre palde mein sari Ummat ko taula gaya tou Main sab se bhari nikla phir Abu Bakkar ek palde mein rakkha gaya dusre mein puri Ummat tou Abu Bakkar bhari nikla phir Umar ko rakkha gaya dusre mein puri Ummat tou Umar bhari nikla."
[Abu Dawood mein ye Hadees hai Kitabus Sunnah mein] [Sunan Abu Dawud, kitab us sunnah, Hadees: 4634, sahih.]
Ummat mein sab se bade Wali kun hai Nabi ke baad ? Sahaba hai phir Tabayeen hai Taba'tabayeen hai.
Karamat:
Auliya ke talluq se ek baat ye bhi hai ke baaz auqaat Auliya se Karamaat sadir hoti hai (aajeeb-o-gareeb cheez ho jaye), Ambiya se jo chize aajeeb-o-gareeb hoti hai usko Maujiza kehte hai jaise Musa Aalaihis'Salaam ka Aasa jaise dusre Ambiya ke Maujiza hai,
Baaz auqaat Auliya ke zariye se bhi aisi cheez ho jati hai,
Misaal ki taur par Qur'an mein iski ek misaal hai aur Hadees mein bhi iski kayi misaale maujood hai,
Hazrat Mariyam jo Esa Aalaihis'Salaam ke walida hai (jo Nabi nahi hai aur Auratou mein se koi Nabi nahi hai) hazrat Mariyam ke bareme Allah Ta'ala ne farmaya:
Jab bhi Zakariya (Aalaihis'Salaam) unke Mehraab (Ebadad ke kamre mein) daqil hote unke pass Rizq ki ek cheez aati, Zakariya (Aalaihis'Salaam) ne poucha Aye Mariyam kahan se aaya ye tumhare paas, unhune kahan ye Allah ki taraf se hai."
[Surah Aal Imran Aayat 37]
Wo kya Rizq tha jo Unke paas tha ? Is bareme Tabayeen mein se Mujahid, Ikrima, Saeed bin Jubair aur Abu Sha'sa aur Ibraheem An'naqai, Zahak, Qatada, Rabiya bin Aanas, Aatiya oufi aur Sadi (Rahmatullah Aalaihim) is Aayat ki tafseer mein ye hi kehte hai in sab ka qaoul hai ke "Sardi ke Phal Garmi ke mausam mein Garmi ke Phal Sardi ke mausam mein" (Hazrat Mariyam ke paas hote thaye)
[Tafseer Ibne Kaseer Surah Aal Imran Aayat 37 ki tafseer mein dekhiye]
Wali ke bas mein Aqtiyaar mein nahi hota hai, Nabi ke bhi bas mein nahi hota hai ke wo koi Maujiza dekhaye, Allah Ta'ala Qur'an-e-Kareem mein farmata hai "Kisi Rasool ke hath mein nahi hai ke Apni taraf se koi nishani ley aaye magar ye ke wo Allah hi ki taraf se laa sakta hai." kudh Nabi nahi dikha sakta hai tou phir koi Wali kaise dikha sakta hai.
Aanas Radhi Allahu Anhu farmate hai ke
"Usaid Ibne Uzair Abbada Ibne Bashir (ye do sahaba hai) ek raat wo bait kar kafi daeer tak apni kisi cheez ke bareme Nabi Sallallahu Aalahi Wasallam se baat karte rahe yahan tak ke raat ka ek hissa chala gaya, aur wo bohat sakht andher wali raat thi, phir wo Allah ke Nabi ke paas se nikle, aur dono mein se har ek ke hath mein Aasa (tanda) tha, Sahabi kehte hai ke unme se ek ka Aasa Roushan hogaya yahan tak ke wo uski Raoushni mein chalne lage, yahan tak ke aisa bhi waqat aagaya jab dono ko aalag hona tha tab dusre ka bhi Aasa Roushan hogaya, unme se har ek Aasa ki Raoushni mein chalta raha yahan tak apne ghar pohach gaya."
[Sahih Bukhari, kitab as Salah, Hadees: 465]
Magar jo loug Allah ki Shariyat se aazaad hojaye (jadu) jantar manatar kuch bhi dikhaye ye Allah ke Wali nahi hai balke shaitaan ke wali hai.
Imam Shafayee Rahmatullah Aaleh kehte hai ke:
"Aagar tum kisi admi ko dekho ke wo pani pe chal raha hai ya hawa mein oud raha hai, usse dhoka mat khao jab tak ke uske mamley ko Qur'an-o-Sunnat par parkho nahi."
[Al Badaya wan'nihaya mein Ibne Kaseer Rahimahullah ne isko zikr kiya hai]
(baaz loug kehte hai ke ek maqaam par jaakar Wali Shariyat se Aazaad ho jata hai aisa kehna Jahalat hai, aur aisa shaks Allah ka Wali nahi hai balke shaitaan ka wali hai, aur baaz loug kehte hai Wali ko Gaib ka ilm hota hai aur wo hummare sath hote hai aisa Aaqida rakhna Kufr hai)
...Wallahu'Aalam...
🌹Please Share with Our Muslims Brother and Sister.🌹
-------------------
*Whats App Par Roman/ Urdu /English Me Quran Hadith Ke Messages Hasil Karna Ke Liye Apne Naam K Sath Massage Karen.*
*Sisters Ke Liye Broadcast List Hai. Jo Bhi Sis Add Hona Chahti Hain Wo Contact Karen.*
*8010636355*
*Hamara Facebook Page Like Karen:*
https://www.facebook.com/romanquranohadees/
*Mazeed Posts Key Liye Forum Visit Karen:*
http://www.RomanQuranoHadees.com
