Mohammad Sal’lal’lahu alaihi wasallam ne farmaya ki Momin ka ajab(boht achha) haal hai ke jab ALLAH usey nemat bakshta hai to wo shukr karta hai aur ispe bhi isko sawab milta hai aur jab Allah use aazmata hai aur uspe taklif dalta hai tab wo sabr karta hai aur ispe bhi isko sawab milta hai. [Sahih Muslim, Book 042, Number 7138].
Abdullah bin masood Radiallahu anhu se rivayat hai ki mainey Rasoollallah Sallallahu Alaihi Wasallam se pucha ki deen ke muaamley mein kaun sa amal afzal hai Aap Sallallahu Alaihi Wasallam ne farmaya ki waqt par namaz Parhna, mainey pucha uskey baad Aap Sallallahu Alaihi Wasallam ne farmaya ki Waldein ke saath neik suluq karna, mainey pucha uskey baad Aap Sallallahu Alaihi Wasallam ne farmaya Allah ke raastey mein jihad karna.
Sahih Bukhari, Vol 4,2782 .
Anas bin Malik Radiallahu anhu se rivayat hai ki Rasoollallah Sallallahu Alaihi Wasallam ne farmaya Koi bhi musalman jo ek darkht ka paudha(small tree) lagaye ya khet mein beej boye phir us sey parinada ya insaan ya janwar jo bhi khatey hain wo uski taraf se sadqa hai
Sahih Bukhari, Vol 3, 2320 .
Huzaifa bin yaman Radi allahu anhu anhu se rivayat hai ki Rasoollallah Sallallahu Alaihi Wasallam ne farmaya gujishta ummaton ke kisi shaksh ki rooh ke paas farishtey aaaye aur pucha ki tune kuch achchey kaam bhi kiye hain ? Rooh ne jawab diya ki main apney naukron se kaha karta tha ki wo maaldaar (Karzdar) logon ko mohlat diya karey un par sakhti na karein aur mohtaajon ko ( karz) maaf kar diya karein phir farishton ne bhi us se dar guzar ki aur sakhti nahi ki.
Sahih Bukhari, Vol 3, 2077 .
Anas bin Malik Radiallahu anhu Rasoollallah Sallallahu Alaihi Wasallam ne farmaya jo shaksh apni Rozi mein kushadgi chahta ho ya umar darazi chahta ho to usey chahiye ki Sila rahmi (keep good relations with his relatives) karey
Sahih Bukhari, Vol 3, 2067
Abu Hurairah Radiallahu anhu se rivayat hai ki Rasoollallah Sallallahu Alaihi Wasallam ne farmaya agar aurat apney Shohar ki kamayee uski ejazat ke bagair bhi ( Allah ke raastey mein) kharch karey to usey Aadha sawab milta hai
Sahih Bukhari, Vol 3, 2066
Ummul Momeneen Hazrat aayesha Radiallahu anha ne arz kiya Ya Rasoollallah Sallallahu Alaihi Wasallam mere 2 Padosi (neighbor) hain to mujhe kiskey ghar hadiya bhejna chahiye Aap Sallallahu Alaihi Wasallam ne farmaya jiska darwaza tumse kareeb hai.
Sahih Bukhari, Vol 4, 2595
Abu Hurairah Radiallahu anhu se rivayat hai ki Rasoollallah Sallallahu Alaihi Wasallam ne farmaya jab kisi ka ghulam (naukar) khana laye aur wo usey apney saath na bitha sakey to usey ek ya do niwaley Zarur khila de kyunki usney isko(khaney ko) tayyar karney ki takleef uthayee hai.
Sahih Bukhari, Vol 4, 2557
Jubair bin Mutim Radi Allahu Anhu se rivayat hai ki Rasoollallah Sallallahu Alaihi Wasallam ne farmaya Qataa Rahmi karney wala (Rishtey todney wala) jannat mein nahi jayega.
Sahih Bukhari, 5984
Abdullah bin Umar Radiallahu anhu se rivayat hai ki Rasoollallah Sallallahu Alaihi Wasallam ne farmaya Ek Aurat ko azab is wajah se hua kyunki usney ek billi ko itni der tak baandh kar rakha tha ki wo bhook se mar gayee aur wo Aurat isi wajah se Dozakh mein dakhil huyee. Rasoollallah Sallallahu Alaihi Wasallam ne faramaya ki Allah taala ne us sey kaha tha { Aur allah hi jiyada janta hai } ki jab tuney us Billi ko baand kar rakha us waqt na tuney usey kuch khilaya aur na kuch pilaya aur na usey chod ki wo zameen ke keedey makodey hi kha kar apna pet bhar leti.
Sahih Bukhari, Vol 3 , 2365 .
Abu Hurairah Radiallahu anhu se rivayat hai ki Rasoollallah Sallallahu Alaihi Wasallam ne farmaya ek shakhsh ja raha tha ki usey sakht piyas lagi usney ek kunwey mein utar kar paani peeya phir bahar aaya to dekha ki ek Kutta(dog) haanf raha hai aur pyas ki wajah se keechad chaat raha hai usney (apney dil mein) kaha ki ye bhi is waqt aisey hi pyas mein mubtala hai jaisey abhi mujhe lagi huyee thi (wo phir se kunwey mein utra) apney jutey ko bhar kar usey apney daanto se pakdey huye upar aaya aur kuttey ko pani pilaya Allah taala ne uskey is kaam ko qubul kiya aur uski maghfirat farmayee Sahaba ne arz kiya Ya Rasoollallah Sallallahu Alaihi Wasallam kya humein chopayo (animals) par bhi ajar milega Aap Sallallahu Alaihi Wasallam ne farmaya har jaandar mein sawab hai.
Sahih Bukhari, Vol 3 , 2363
Anas bin Malik Radiallahu anhu se rivayat hai ki Rasoollallah Sallallahu Alaihi Wasallam ne farmaya Koi bhi musalman jo ek darkht ka paudha(small tree) lagaye ya khet mein beej boye phir us sey parinada ya insaan ya janwar jo bhi khatey hain wo uski taraf se sadqa hai
Sahih Bukhari, Vol 3, 2320.
Abu Hurairah Radiallahu anhu se rivayat hai ki Rasoollallah Sallallahu Alaihi Wasallam ne farmaya ki Allah taala ka farman hai teen tarah ke log aisey hain jika Qayamat ke din main khud Muddaii banuga
ek to wo shkash jisney mere naam par ahad (vada) kiya aur phir vada khilafi ki,
Dusra wo shaksh jisney kisi Aazad aadmee ko bech kar uski Qeemat khayee,
Teesra wo shaksh jisney kisi ko majdur kiya phir kaam to us sey pura kiya lekin uski majduri na di
Sahih Bukhari, Vol 3, 2270.
Aayesha Radiallahu anha se rivayat hai ki mainey pucha Ya Rasoollallah Sallallahu Alaihi Wasallam mere Do Padosi hain unmein se kiskey paas mein Hadiya (Gift) bheju, To Aap Sallallahu Alaihi Wasallam ne farmaya jiska darwaza tujhse jiyada kareeb hai.
Sahih Bukhari, Vol 3,2259Aisa Radiallahu anha se rivayat hai ki Rasoollallah Sallallahu Alaihi Wasallam ne farmaya Allah ke nazdeek sabse bura shkash wo hai jo sakht jhagdalu( faltu ki ladaii karne wala) ho
Sahih Bukhari, Vol 8, 7188
Abu Hurairah Radiallahu anhu se rivayat hai ki Rasoollallah Sallallahu Alaihi Wasallam ne farmaya logo mein sabse badtareen shaksh wo hai jo Do rukha (daugla) hai jiska kuch logon ke samney ek rukh hota hai aur dusrey logon ke samney dusrey rukh se milta hai.Sahih Bukhari, Vol 8, 7179
Maqil Radiallahu anhu se rivayat hai ki Rasoollallah Sallallahu Alaihi Wasallam ne farmaya jab Allah kisi bandey ko kisi riaayat (yani kisi jagah ke logon ka) ka hakim (ruler) banata hai aur wo imandari ke saath uski hifazat nahi karta to wo jannat ki khushbu bhi nahi payega.Sahih Bukhari, Vol 8, 7150
Ibn Abbas Radiallahu anhu se rivayat hai ki unhoney nabee Sallallahu Alaihi Wasallam se suna ki koi Mard kisi (gair mahram) aurat ke saath tanhaii mein na baithey aur koi aurat us waqt tak safar na karey jab tak uskey saath uska mahram na ho itney mein ek sahabi khadey huye aur farmaya Ya Rasoollallah Sallallahu Alaihi Wasallam mainey falah jihad mein apna naam likhwa diya hai aur meri Biwi hajj ke liye ja rahi hai to Aap Sallallahu Alaihi Wasallam ne farmaya tu bhi uskey saath hajj ke liye ja.
Sahih Bukhari, Vol 4, 3006
Aisha Radi allahu anha se rivayat hai ki Rasoollallahu Sallallahu Alaihi Wasallam juta (shoe) pahanney, kanghi karne , wudhu karney aur apney har kaam mein dahiney taraf se kaam ki Ibtida karney ko pasand kartey they.
Sahih Bukhari, Vol 1, 168 .
Abdullah bin Saad (RA) kahte hai k mai ne NABI (saws) se poocha ke Nafil Namazein ghar mai padhna afzal hai ya Masjid mai? NABI KAREEM (saws) ne farmaya k tum dekhtey hoo k MERA gharMasjid sey kitna kareeb hai, lekin is k bawajood Farz Namazo k Alawa Mujhe Nafil Namzein apne ghar mai padhna zyada pasand hai.(Shamail-Tirmiz i: 276).
Mohammad s.a.w. ne farmaya ki Jo Shakhs Kisi Ko Naiki Ka Rasta Bataa’ay Ga, To Usay Bhi Utna Hi Sawaab Milayega Jitna Us Par Amal Krnay Walay Ko.
(Sahi Muslim, Hadees# 1893.
Mohammad s.a.w. ne farmaya ki jannat me chugalkhor nahi jayega.
Sahih al bukhar, hadith-6056.
Mohammad s.a.w ne farmaya ki Agar Allah kisi ke sath bhalai ka irada karna chahta hai to use deen ki samajh ata kardeta hai.
Sahih al bukhari,vol 1, hadith-71 .
Hazrat Anas bin malik Radi Allahu Anhu se rivayat hai ki Rasoollallah Sallallahu Alaihi Wasallam ne farmaya jab raat ka khana samney rakh diya gaya ho aur Namaz bhi khadi ho gayee ho to pahley khana khao.
Sahih Bukhari, 5463 .
Rasoollallah Sallallahu AlaihiWasallam ne farmaya Jumaa mein 3 tarah ke log aatey hain, ek to wo jo waha aakar behuda baat karey, uska hissa yahihai(yani usko kuch sawab na milega) aur dusra wo hai jo wahan aakar Allah Subhanahu se Dua karey agar Allah chahega to uski Dua Qubul karega aur chahega to nahi karega, aur teesra wo haijo wahan aakar khamoshi se baith jaye na logon ki gardanein faand kar (over the neck) aagey badey aur na kisi ko takleef pahuchaye to uska ye amal is jumaa se lekar agli jumaa tak bulki aur teen deen ziyada tak ke liye gunaahon ka kaffara ban jayega, kyunki Allah subhanahu ka irshaad hai ki jo shaksh ek neki karta hai usko 10 gunaa sawab milega .
Sunan Abu Dawud, hadith-1101 .
Mohammad s.a.w. ne farmaya: Apne ap ko jahannam ke aag se bachao wo kyu na aadhi khajur hi dekar ho aur agar wo bhi nai ho sakta to achhi bate karke.
Sahih al Bukhari, kitabul adab, hadith-6023.
RASOOL SALLALLAHO ALEHI WASALLAM ne frmaya Tumain maaloom hai mufllis(gareeb) kaun hai?? Sahaba r.a. ne arz kia , hum to muflis us ko samjtay hain jis ke paas rupya paisa or Maal-0-Mata ( saaz-0-saamaan) na ho… to RASOOL SALLALLAHO ALEHI WASALLAM ne frmaya Mere ummat mein Muflis wo shaksh hai jo Qayamat ke din Namaaz,Roza aur Zakaat ke saath aay ga Magar us ne kisi ko gali di ho gi , kisi par Buhtaan lagaya ho ga, Kisi ka Maaal Harap kia ho ga, Kisi ka khoon Bahaya ho ga, Kisi ko maara ho ga, chunache us ne jin jin logon ki Haq talfi ki ho gi unhain us ki Naikiaan day di jaain gi. Phir un logon ke Gunaah lay kar us par laad diya jaain gay or Usey Jehannum (Dozakh) mein phaink dia jaay ga.
{Muslim – 258}.
Aur tumhare rab ka farman hai ki uski ibadat me kisi ko shareek na karna aur jab tumhare maa baap mese ek ya dono budhi umr par pahoch jaye tp unhe uff tak na kahna aur na hi unse jhirag ke baat karna lekin unse husne sulul ke saath pesh aana aur ye dua karna ki ae hamare rab hamare maa baap par rahem kar jis tarah bachpan me hamare maa baap ne ham par raham kiya tha.
Quran,chapter-17ayat-23-24.
Ap s.a.w. jab mimber pe chadhe to pahle kadam pe aamin ka, fir dusre qadam pe bhi aameen kaha aur teesre kadam pe bhi aameen kaha. To sahabao ne iski wajah puchi nabi s.a.w. se. To fir ap s.a.w. ne irshad farmaya ki pahle kadam pe jibreel a.s. ne kaha ki lanat ho us shaks par jisne ramzaan ka mahina pa kar bhi Allah ki bakshish na pa saka. Phir ap s.a.w. ne aameen kaha. Fir dusre kadam pe jibreel a.s. ne kaha ki lanat ho us shaks par jisene ap ka naam suna aur ap par durood o salam na bheja, fir ap s.a.w. ne aameen kaha. Aur teesre kadam pe jibreel a.s. ne kaha ki lanat ho us shaks par jisne apne maa-baap ko budhi umr par paa kar bhi jannat hasil na kar saka.. Aur fir ap s.a.w. ne kaha aameen. ref: IBN HABBAAN, 3/188.
Anas bin Malik r.a. riwayat karte hai ki ek baar nabi s.a.w. ne isha ki namaz me deri kar di hatta ki aadhi raat aa pohchi iske baad namaz ada karke hamse mukhatib hue aur kaha”Log namaz padhke so chuke honge lekin ap tab tak namaz me hote ho jab tak ap iska intzar karte ho.
Sahih Al-Bukhari , Book: Characteristics of Prayer,Hadith#808 .
Ilm haasil karna har musalmaan par farz hai. Sunan ibn Majah, jild-1, had-224 .
Mohammad s.a.w. ne farmaya ki jab bhi tum mese koi namaz padhae to use choti karle kyuki usme kamzor bhi hote hai budhe bhi aur zaruratmand bhi. Sahih Al-Bukhari Book: Call To Prayer(Adh aan),Hadit h#670.
Mohammad صلى الله عليه وسلم ne farmaya ki kisi bhi neki ko kam ahem ka na samjho wo kyu na apne bhai ko dekh kar muskurana hi ho.
Sahih Muslim, had-6359.
Allah tumhare chehre aur maalo ko nai dekhta lekin Allah toh dekhta hai tumhare dilo ko aur aamaalo ko. Sahih Muslim, had-135.
Jab koi banda Allah ka zikr karta hai kisi mahfil me toh Allah us bande ka zikr karte hai usse behtar mahfil me.
Sahih al bukhari, hadith-7405.
