“Or nasihat tou wohi qubool kertay hain jo aqal istemal kertay hain.”
[Al-Quran 2:269, 3:7]
Aksar mazhabi halqon me yeh swal k aya “Allah k siwa koi mushkil hal kar sakta haI ya sirf Allah hi is per qadir hai” aya, magr fariqain may say koi bhi qail nhi ho pata. Ek zee-Shaoor insaan k zehn may yeh swal ubhrta hai tou wo isko mukhtalif pehluon say janchta hai k kis tarah Khuda k siwa koi hasti mushkil kushai kar sakti hai. Is swal ki kaee mukhtalif soorten hen:
Aik shax ko kisi mushkil ka saamna hai, wo chahta hay k meri mushkil door ho, wo Allah k siwa kisi doosri hasti ko pukarna chahta hai jo iski mushkil ko hal kare ya Allah se hal karwae. Ab……
· Agr Allah k siwa koi hasti (Nabi, Sahabi, Wali, Buzurg waghera) oski mushkil hal karsakti hai to kia saail (mangne wale) or mushkil kusha k dermian lakhon meel ki doori per wo zindagi main ya zindagi k baad qabr main awaz sun sakta hai?
· Bil-farz wo awaz sunle to phir ye swal ubhrta hai k wo dunya ki her zaban se waqif hai ya nhi? maslan German Germani may, American English may or French French may apni mushkil pesh krega…
· Agr ye bhi farz ker lia jae k wo Adam (alaihe salam) se le ker aaj tak jitni zabanen bani or ban k bigar gaeen tamaam se waqif hai to phir swal ye hai k ek lamhay may puri dunya say hazaron ya lakhon log apni mushkilaat is k samne pesh karenge, to kia wo in sub ki mushkilaat ek saath hi sun or samajh lega ya is k lye Qatar lagane ya token lene ki zaroorat pesh aegi?
· Allah apne banday ki her dua os k mazi-o-mustaqbil k halaat madde nazr rakh kar pura farmata hai k kahin wo cheez banday ki dunya-o-akhrat k lye nuqsandeh naho, q k insan khud bhi nhi janta k jo cheez wo mang rha hai osme os k lye nafa hai ya nuqsan. Kia wo hasti jisay Allah k siva pukara ja rha hai dunya k tamaam un ginat logon k kirdar, niyat or mazi, haal or mustaqbil say ba-khabr hai k jo koi os se swal kre oska theek wesa hi ya os se achha kam ban jae?
· Kia os hasti ko kabhi neend ya aram ki bhi zarurat hai ya wo hamesha chokanna rehta hai, agr nhi to phir hamaray pas ek list honi chahye k kab wo jagraha hai or kab nahi ta k mushkil ko sunay or samjhay?
· Ek shax bolne say qasir hai iska gla band hochuka hai, agr wo dil he dil may apni mushkil pesh kare to kia wo oski dili faryaad bhi sunlega?
· Insaan ko pedaish se mout tak chhoti bari tamaam mushkilaat ka saamna rehta hai, Agr wo tamaam mushkilaat Allah t’ala hal karne per qadir hai to ghairAllah ki traf ruju’ kerne ki kia zaroorat hai? Or agr ghairAllah tamaam mushkilaat ko hal ker sakte hain to phir Allah ki kia haajat hai??
· Agr ghairAllah tamaam mushkilaat hal krne pay qadir nhi; ho sakta hai k kuch mushkilaat ka bera Allah ne uthaya ho or kuch hal krne k ikhtyaraat kisi or ko de rakhay hon, esi soorat may to hamare pas ek esi fehrist honi chahye k konsi mushkil Khuda hal krne pe qadir hai or konsi ghair hal ker sakta hai ta k saail apni mushkil osi k samne pesh kare jo hal kerne pe qadir ho?
· Kia Khuda k siva jo hasti mushkil hal kar sakti hai zahir hai wo mushkil dal bhi sakti hai, Ya iski duty sirf hal krne pay hai? Agr wo mushkil hal kr sakti hai to phir dalne wala kon hai?
· Bil-akhir nateeja ye niklega k Khuda mushkilaat dalne wala hai or ghairAllah mushkil hal krne wala hai, bilfarz ek hasti dalne per musir ho or doosri hal krne per to dono mese konsi hasti apna fesla waapas legi?
· Kehtay hain jis tarha naukri ya mulazmat hasil kerne ya sarkari dafter main koi kam nikalwane k lye kisi reference ki zaroorat hoti hai, agr kisi baray admi ya jan pehchan walay ki perchi ho tou naukri pakki…isi tarha Allah say dua mangtay waqt Os k kisi mehboob ka wasila ya reference ho tou dua qubool hogi, lekin………..,
Reference ya perchi ki zaroorat in wajuhaat ki bina per hoti hai,
· Naukri dene wala shax na-waqif hota hai k jisay wo naukri dene wala hai, wo bharosay k la’iq hai ya nahi, yani kahin wo naukri ka na-ja’iz faida tou nahi uthae ga?
· Ya phir omeedwar ziada or asaamian (vacancies) bohat kamm hoti hain.
· Ya phir on officers k paas itna time nahi hota, is waja say wo sirf perchi walon k kaam kertay hain.
· Ya phir sirkari officers hudd haraam hotay hain.
· Ya phir onhen logon ki mushkil ka ehsaas nahi hota yani bay hiss hotay hain.
Ab……………,
Aik government officer ki tarah Kia Allah (sunhaanahu wata’ala) apne bandon say na-waqif hai k Osay reference ki zaroorat paray? Kia Wo dilon k hal say waqif nahi?
Kia aik officer ki tarah Allah t’ala sub ki muradain poori kerne say qaasir hai? jis tarah aik employer k pas limited seats hoti hain, Kia Allah k khazano mai kuch kami hai?
Kia aik officer ki tarah Allah t’ala k pass itna time nahi hai k wo aik waqt main sub ki haajatain poori kerde? Kia Wo time ka mohtaj hai?
Kia Allah t’ala…..(na’uzubillah!)Kya hamare lye Allah T’ala k yeh farman kafi nhi?
“Ae logo! aik misal beyan ki ja rahi hai, zra kan laga ker sunlo! Allah k siva jin jin ko tum pukartay ho wo aik makkhi bhi tou peda nahi ker saktay, go saray k saray hi jama’ ho jaen, bul k agr makkhi in say koi cheez lay bhagay tou yeh tou isay bhi is say chheen nahi saktay, bra kamzor hai talab kernay wala or bra hi kamzor hai wo jis say talab kia ja raha hai. Logon ne tou Allah k martabay k mutabiq Oski qadr jani hi nahi, Allah Ta’ala bra hi Zor-o-Qooat wala or Ghalib-o-Zabardust hai.” [Al-Quran surah Hajj 22:73] .
